TLAYEKANANI PARA TLAIXPANTILI TLEN AMATLAJTLANILISMEJ TLEN KALAKIAN, KUALCHIJCHIUALISTLI, KOTONALISTLI UAN TLAJTOLIXNAMIKILI TLEN MASEUALTLAJTOLISTLI IPAN IEEM ¿Tijmatiyaya tikpia nauatilmatilistli para tijchiuas monauatilmatilismej ARCO (kalakian, kualchijchiualistli, kotonalistli uan tlajtolixnamikili) tlen momaseualtlajtolistli ipan IEEM? ¿Tlajke kiijtosneki Nauatilmatilistli tlen Kalakian? Maseuali katij iaxka maseualtlajtolistli ualtias kalakis, motlajtlanis uan kimakasej tlayolmelaualistli tlen tekiuilistli tlen ini, nojkia ualtias kimatis tlajtoli tlen ichtakayotl. ¿Tlajke kiijtosneki Nauatilmatilistli tlen kualchijchiualistli? Maseuali katij iaxka maseualtlajtolistli kipia nauatilmatilistli para motlajtlanis ipan IEEM kualchijchiualistli tlen maseualtlajtolistli, kemaj elisej istlakatili, axasitoj, axyankuik, axkuali o miak. ¿Tlajke kiijtosneki Nauatilmatilistli tlen kotonalistli? Maseuali katij iaxka maseualtlajtolistli kipia nauatilmatilistli kemajueli motlajtlanis ma kiixpolokaj imaseualtlajtolistli ipan amakualtlalistli, amatlalistli, amatlanechikoli, nechikolistli, uan neluayotepostli tlen maseualtlajtolistli tlen IEEM, ijkino ayajmo eltosej imako uan ayajmo kitekiuisej. Tlajke kiijtosneki Nauatilmatilistli tlen tlajtolixnamikili? Maseuali katij iaxka maseualtlajtolistli kipia nauatilmatilistli tlajtolixnamikis tlen kitekiuiyaj, para se o miyak tlamanti o kitetsopas ma kikotonakaj tlen ini. (Tlaixkopinali ika tlajtoli: stop) ¿Kenij ualtias nitlaixpantis noamatlajtlanilistli para mochiuas nauatilmatilismej ARCO? Ika Nechikolistli Kalakian, Tlakualchijchiualistli, Kotonalistli uan Tlajtolixnamikili tlen Maseualtlajtolistli tlen Mexko Tlali (SARCOEM), ipan chantokajyotl teposmekayotl: https://www.sarcoem.org.mx/sarcoem/ciudadano/login.page Kemaj ya tikalajki kanij chantokajyotl teposmekayotl, monekis tijchiuas ini tlachiualismej: 1. Ximoamatlali o xitlali motokaj tlen tlatekiuijketl uan tlajtolnextili. Monekis timoixpantis ika nelkualamatl katij mitsixpantia monemilis uan moaxka tlen maseualtlajtolistli ika katij tichiuas nauatilmatilismej ARCO (amatl para titlapejpenas, amatl pasaporte o seyok nelkualamatlaixpantili). Tlaj tijchiuas ika seyok tlaixpantijketl monekis titlaixpantis ika se nauatili amatlajkuiloli mochijtos ika omej katij kiitaj, motlalis tlaixkopinkayotl tlen tlaixpantilismej katij tlauasanijkej o miyakapa tepospaleuijketl o yolmelaualistli ipan moixnextilistli maseuali katij iaxka tlen maseualtlajtolistli uan katij melauak teixpantia. 2. Xitlajtolmelaua melauak maseualtlajtolistli tlen katij tijtemoua tijchiuas sekij tlen monauatilmatilismej ARCO. 3. Xijkui IEEM kenij Temachioj Maseuali. 4. Xikijto kenij titemaka tlanankilistli (SARCOEM, melauak motlajtlanis, tlaixkopinalmej, melauak tlaixkopinalmej, sekinoj). 5. Xijsenkaua uan xijtitlani moamatlajtlanilistli. ¡Nelia axouik! Nojkia ualtias tijchiuas monauatilmatilismej ARCO ika se majkajto tlajkuiloli, san ta titemakas ipan Sentilistli tlen Kalakian tlen Tlayolmelauali tlen Sentilistli tlen Tlanextiltlajtoli tlen IEEM, kenij tikamatis, nojkia kenij ika san teposmekayotl o melauak o tekichiuali tlen tlajtoltitlanilistli. ¿Ualtias nitlajtlanis tlayejyekoli tlen nauatilmatilismej ARCO kenij tlen mijtokej maseualmej o katij melauak kiijtojki imikilistli? Kena, tel monekis tijmatis ma mosenkauakaj ini tlachiualismej: * Xikijtos melauak tijneki tijmatis tlen kenij ika tlajtoli tlen tlanauatilismej katij mochiuaj uan teaxka tlen maseualtlajtolistli kiijtojki ika iyolo kenij seyok maseuali ma kichiua inauatilmatilismej ARCO. *Maseuali teaxka tlen maseualtlajtolistli ma kiijtojki ipan itestamento maseualmej katij ualtiasej kichiuasej nauatilmatilismej ARCO kemaj ya mijki o itlakuepilis, monekis kiijtos se Tlanauatijketl. ¿Ualtias nimotlajtlanis tlachiuali tlen nautilmatilismej ARCO tlen katij ayajmo kiaxitiaj inxiuitl o katij maseualmej amo ualtiaj kamatij kuali o axualtiaj kichiuaj tlachiualismej? Kena, ika tlajtoli tlanauatili tlen moixmatito tlaixpantili ipan tlayejyekoli ipan san maseualpa. ¿Kenij ualtias nitemakas tlanankilistli tlen tlayejyekoli tlen nonauatilmatilismej ARCO? - SARCOEM. - Melauak ijitalistli. - Tepostlanojnotsalismej katij temakatoj teaxka. - San tlaixkopinalmej. - Melauak tlaixkopinalmej. - Seyok tlamanti ika ipatik. ¿Kipia ipatik nijchiuas nonauatilmatilismej ARCO ipan IEEM? Ya axipatik, san kemaj motlajtlanis ma kikixtikaj melauak tlaixkopinalmej, ipan tlamanti magnético, disco compacto o tlatitlanilisti kanij seyok chantokajyotl tlen ichaj IEEM. ¿Keski tonal kitlanankiliaj noamatlajtlanilistli tlen tlachiualismej tlen nauatilmatilismej ARCO? Ipan kauitl amo miak ika 20 tekitonalmej peua ika imostlaka kemaj titlaixpanti moamatlajtlanilistli, kauitl ualtias uejkauas hasta 10 tekitonalmej kemaj onkaj tlamanti tlen nelia. ¿Tlajke pano tlaj noamatlajtlanilistli tlen tlachiualistli tlen nauatilmatilismej ARCO amo kuali nesi, ya kipia kuapololi, axasitok o amo kiaxitia ika tlajtlanilismej tlen Tlanauatili? Sentilistli tlen Tlanextiltlajtoli tlen IEEM mitsyolmelauas ijkino tikaxitis, tikualchijchiuas o tiueyichiuas tlajtolmelaualistli tlen moneki tlayolmelauali para mopantis momaseualtlajtolistli, o kuali, para tikaxitis tlen moneki tlen Tlanauatili. ¿Tlajke pano tlaj nichijki se nauatilmatilistli ARCO tlen maseualtlajtolistli amo onkaj ipan nauatili tlen IEEM? Sentilistli tlen Tlanextiltlajtoli mitsmatiltis ika iuijtlaka tlen tekitonalmej teipa kemaj moselijki moamatlajtlanilistli tlen yejyekoli tlen nauatilmatilismej ARCO uan, uelis nojkia, mitsnextilis tlen tekinechikoli katij ualtias kipixtos ipan itlanauatili momaseualtlajtolistli. ¿Tlajke pano tlaj noamatlajtlanilistli tlen nauatilmatilismej ARCO kimelaua yejyekoli tlen seyok nauatilmatilistli o onkaj se san tekitl tlachiuali para mochiuasej? Sentilistli tlen Tlanextiltlajtoli mitsyolmelauas ika eyi tekitonalmej teipa kemaj kiselijkej moamatlajtlanilistli. Nojkia, kemaj onkaj se tekitl tlachiuali o san mochiualistli katij moijtojto ika tlanauatili o katijueli seyok tlanauatilistli, Sentilistli tlen Tlanextiltlajtoli mitsmatiltis ika makuili tekitonalmej teipa kemaj titlaixpanti moamatlajtlanilistli. ¿Tlajke ualtias nijchiuas tlaj amo techyolmelaua nopa tlanankilistli tlen noamatlajtlanilistli? Ualtias titlaixpantis tlamanti tlen motlachilis tlen melauak xitlauak o ika teposmekatlanojnotsalismej ipan INFOEM o ipan Sentilistli tlen Tlanextiltlajtoli tlen IEEM, ika kaxtoli tekitonalmej teipa kemaj mitsyolmelauasej tlanankilistli tlen moamatlajtlanilistli tlen yejyekoli tlen nauatilmatilismej ARCO. Tlaj tikpia tlajtlanilismej tlen tlaixpantilistli o tekitl tlachiuali tlen moamatlajtlanilistli tlen yejyekoli tlen nauatilmatilismej ARCO, ualtias tiyas ikan tekikalmej tlen Sentilistli tlen Tlanextiltlajtoli tlen IEEM eltokej ipan Paseo Tollocan, tlapoualistli 944, Tlatsinta Planta, Pilchinanko Santa Ana Tlapaltitlán, C.P. 50160, ipan kauitl tlen 09:00 asta 17:00 kauitl, tlen lunes tonali asta viernes tonali; o kuali, xitechnojnotsas ipan teposkakamanali tlapoualismej 01800 712 43 36 lada amo kipia ipatik o 01 (722) 275 7300 extensión 3055, ipan fax 01 (722) 275 7300, extensiones 3055 uan 8451, o ipan correos electrónicos transparencia@ieem.org.mx o juan.hernandez@ieem.org.mx.